Shillong, Iaiong 22: Ia ka shad “Lakhempong” ne ka shad “Rah Kynthei” kaba ar sngi jong ka Raid Nongtung kaba hap hpoh jong ka hima Khyriem kala kut mynta ka sngi hapdeng ka jingiadon lang u Syiem Khynnah ka bad ki bakhraw ha kane ka jingshad ba shisien shisnem ha shnong Ummat ka jaka kaba dang ia kam markylliang ha pdeng ka Assam bad Meghalaya.
U Syiem ka Raid Nongtung u Pa,im Niwel Shadap, la ong ba kane ka shad Lakhempong ia kaba la tip ruh kum ka shad Rah Kynthei ka dei kaba la don naduh kulong kumah, hynrei na kid aw kiba ym lah ban tip kala sangeh bad naduh ba u wan long Syiem Raid la sdang biang bad kne ka dei ka sien kaba khatlai naduh bala pynim biang ia ka shad.
Haba batai ia ka Shad Lakhempong u Pa,im Niwel la ong ba kane ia kane ka shad la tip kum ka shad Rah Kynthei, ka jingmut kane ka shad ha ka por hyndai k long ba kiba shd dei tang ki samla bd ym shah ruh ba kin ia shad lang lada dei shikur ne kmie kha, namar ha kane ka shad ki samla lada kila ia shad lang ar sngi da kila ia mon ki ialam sha iing ban iakren arliang kur ban poi sha kyntiew kurim.
U Syiem ka Riad Nongtung la kren shai ba ia kata km lah shuh ban bat, hynrei kane kaba ki leh mynta ka long ban pynneh pynsah ia ka riti dustur ka ryngkat ka lehniam ka duwai ka phirat bad kiba shad la shah ia baroh samla bad tynmen la shah ban ia shim bynta na baroh ki paidbah nongshong shnong ka Raid Nongtung.
Ka jingpynlong ia kane ka shad ka long ruh ban wanrah ia ka jingiaieit ia jan baroh ki jaidbynriew hapoh ka Raid Nongtung bad ia kane ki pynpaw ha ka jingwan ia shim bynta lang ha ka shad Lakhempong, ki Khasi, ki Karbi, Ki Tiwa bad kiwei kiwei ruh ki jaid bynriew kiba don hapoh ka Raid Nongtung bad la shah ruh wat na shabar ka raid lada don kiba wan ia shim bynta.
Ha kine ki ar sngi kiba la wan ban ia shim bynta ban pyni iala ka jng ka riti dustur ki long, ka shad Khyrwang, ka shad khynroo, ka shad Pada, ka shad ki jaidbynriew Karbi katkum ka riti dustur, ka shad n ki jaid bynriew Tiwa, kum ka shad Maithruwa, Wanswa bad kaba kongsan eh dei ka shad Lakhempong da kaba shad sawdong sawdong ia u khnong bala thung ryngkat ka lehniam.
Ha kine ki ar sngi kiba shad kila poi da ki palat spah shynrang bad kynthei, ki paidbah kila wan na kylleng ka raid Nongtung bad kum juh na ka thain Ri Bhoi, kiba la kren ki long u bah Albinus Timung President ka All Meghalaya Karbi Cultural Society, u bah Binus Maslai na ka jaid bynriew Tiwa na ka shnong Umhi, kine kila pynpaw ba kane ka jingshad ka wanrah ia ka jingiatylli kum ki paidbah kiba shah ha Raid Nongtung.
