Shillong, Jylliew 24: U Chief Executive Member (CEM) ka Khasi Hills Autonomous District Council (CEM) u bah Pyniaid Sing Syiem ula pyntip baka district council ha u snem year 2021-2022 kala ioh T.21,83,13,587.00 bad ha u snem 2022-2023 kala ioh T.13,88,65,803.00 ka khajna ka bhah marpoh khyndew naka sorkar jylla.
Haba jubab iaka jingkylli bala wanrah da u MDC ka Mawkynrew konstitwensi u Martle Mukhim halor ka jingioh bhah khajna lka district council naka sorkar jylla, u bah Pyniaid ula iathuh ba ha u snem 2020-2021 ka district council ka khlem ioh khajna marpoh khyndew katkum ka jingpaw haki kot ki sla ka council.
“Ka sorkar jylla lyngba ka tnat Mining and Geology ka ju buh lypa iaka tarik ne snem ban phah khajna marpoh khyndew hynrei ka shu phah beit katkum ka jingioh pdiang iaka shithi lane ka shithi mang pisa naka district bad lada ka sorkar jylla ka phah ruh iaka pisa kam ju kdew la kadei naka bynta u snem ba katno” la ong u bah Pyniaid.
U bah Pyniaid ula iathuh ba katkum ki kot ki sla ka district council, ka council ka khlem ioh iaka bhah marpoh khyndew naka bynta u snem 2020-2021.
Ula iathuh baka naka liang ka executive committee (EC) haka 23 tarik mynta u bnai kala shim ban buddien ia kane ka mat bad ka sorkar jylla ban pynthikna ba ka jingioh khajna bhah marpoh khyndew ka district council kam dei ban thut hadien ha bud.
