Tura, Nailur 29: Ka jinglehniam Durga Puja ka la jan bad na ka liang jong ka Tura Central Puja Committee (CPC) ka kyrpad ia baroh ki seng bhalang ba kin nym khot ia kano kano ka pakhang shnong ha kane ka jingleh niam puja khnang ba barih ki paidbah kin ioh pyndep ia ka jinglehniam ka jong ki da ka jingkmen.
Ka Durga Puja ka dei ka jingleh naim kaba heh duh jong ki bym dei ki trai jylla kane ka jingleh niam ha ka jylla ka la kot mynta sha ka 125 snem ha kane ka dong bad ka thian jong ka jylla Meghalaya. Na ka liang jong ki nongialam jong ka Pyja Committee ki kwah ba kan don ka jingshong suk ha ki sngi leh niam puja.
Ki nongialam jong ka CPC na Tura kin leit ban ia kynduh ia ki bor ba dei peit ia ka District administration jong ka West Garo Hills ban ia kren bad ia phylliew jingmud halor kane ka jingleh niam. Ha ka juh ka por ha ka 2 tarik jong u bnai Risaw ka CPC kan pynlong ia ka jingpynkhuid shnong ha ka sngi kha jong u kpa ka jaid bynriew.
U Arup Nag, Secretary jong ka CPC u la ong ba da ki spah snem ki la ia imlang sah lang ha ka jingsuk jingsain kum shi para, kumta na ka liang jong ka CPC ka kyrpad ia ki seng bhalang ba kin nym khot ia kano kano ka jingiakhih ha ki sngi leh niam Durga Puja bad da kyrpad ia ki ba kin ia shnoh kti lang ha kane ka jingleh niam puja.(SP News)
