Shillong, Nailar 14: U Working President jong ka Meghalaya State Olympic Association (MSOA) u bah John Kharshiing mynta ka sngi u la pynbna ba ka Meghalaya Athletic Association kan pynlong ia ka “Sohra International Halfmarathon 2023’ kaba ar ha ka 30th Nailur 2023.
Haba kren ha ki lat pathai khubor u bah John la ong ba katkum ki kyndon kiba la buh da ka National Athletic Federation, ia ki nongwan ia shim bynta kihap ban register online, ka jingregister kan sdang naduh ka 12th Nailur 2023, ia ka jingbishar yn leh da ka nongkit kam jong ka NAF.
Ka jingiakop marah kan long ha ki lai bynta, kaba 21 km, kaba 10 km bad kaba 5 km, kawei pat ka jingiamareh tang ban ia sngew tynnad lang, ka khusnam ia kiba marah ha ka 21 km, ia ba wan nyngkong kan long shilak, ba wan ba ar kan long T.70,000/- tyngka, ba lai T.50,000/- tyngka.
La iathuh ba ha u snem ba la dep kiba wan ban ia shim bynta ki don 700 ngut bad kiba wan na kiwei ki ri jong ka pyrthei ki don 7 ngut, ha kane ka kynti kaba mynta kin khot kyrpang ia ki nongiamareh na ki ri ba shathie jong ka debah Asia.
Ha kane ka sngi kiba la ia don lang ki long u bah F Parait General Secretary ka MSOA, u bah D Nongbri Joint Director ka tnad ialehkai jong ka sorkar Meghalaya, ia kane ka jingiamareh la kyrshan da ka tnad ia lehkai ka sorkar jylla, kaba rung kan long T.500/- bad T.100/- tyngka.
