Shillong, Risaw 02: Ka National Career Service Centre for Differently Abled (kaba la tip mynshuwa kum ka VRC), ka ophis hapoh ka Directorate General of Employment (DGE), Tnat Labour bad Employment, Sorkar India, Shillong.
Kane ka trei na ka bynta ka bha ka miat jong ki briew kiba don jingduna ha ki dkhot met (Divyangjan) lyngba ka jingiasyllok, ka jingpeit bniah, ka jingai jinghikai, ka jingai jingsumar bad kiwei kiwei ki kam ai jingtip khnang ban wanrah ka roi ka par ia ki naduh ba la sdang ia kane ka centre ha jylla Meghalaya.
Kane ka jaka hikai kala pynlong ia ka prokram Swachhata Hi Seva (SHS) naduh ka 15 tarik Nailur, 2023 haduh 2 tarik Risaw 2023 bad ka la pynlong ia ki prokram bapher bapher kum ka jingpynkhuidia kiphyllaw jong ka ophis, ki jaka sah briew, ki park, ki rud surok, ki tiar elektrik.
Ka jingwanrah ia ka jingiatreilang jong ka imlang sahlang, ka shramdaan, ka jingpynkhuid ia ki file, ka jingialehkai skit, ka jingiakop thoh essay bad quiz bad kiwei kiwei lyngba ka jingiashim bynta shitrhem ki nongtrei, ki shah hikai, ki khynnah skul bad ki briew ha ka imlang sahlang.
Khatduhla pynlong ia ka jingialang sam khusnam na ka bynta ki jingiakop bapher bapher bad la shim ia ka jingbamsmaiSwachhata da baroh ki nongiashim bynta ha ka 2 tarik Risaw, 2023 ban pynthikna ia ka jingkhuidjingsuba hapoh ka Swachha Bharat Abhiyan 3.0, ka ban sa sdang naduh ka 3 tarik Risaw haduh 31 tarik Risaw 2023.
