Shillong, Naiwieng 08: Ka Meghalaya Public Service Commission ha ka 4/11/ 2023 ka la pynlong ia ka eksamin na ka bynta ka kam Meghalaya Civil Service kiba lait 35 tylli bad ki samla kiba la ia thoh ia kane ka eksam ki don 24,943 ngut baroh ha Shillong bad Tura.
Kiba la poi thoh ia kane ka eksam ha Shillong ki long 16768 ngut kat ha Tura pat ki long 8175 ngut, baroh ki long 24,943 ngut. Namar ka jingduna ki kamram ia kane ka eksamin la pynlong ha ki ar bynta kawei ka kynhun kila thoh ha ka por 10.00 baje mynstep haduh 12.00 noh phai sngi bad kawei ka kynhun ka thoh naduh ka por 2.00 baje noh phai sngi haduh 4.00 baje jan miet.
Ia kane ka eksm la pynlong ha ki 32 tylli ki jaka ha ki college bad ki skul, ka kong I. Wankhar kaba dei ka nongpeit ia ka eksam hapoh ka MPSC kala iathuh ba ia kane ka eksam MCS yn pynlong ha ki lai bynta, kata ka long ka “Prelims” ka “Main” bad ka interview.
Ka kong Wankhar kala ong ba ia result jong ka Prelims yn sa lah ban pynmih ha u bnai Nohprah,la ong ba ki kam kiba lait ha kane ka kyrdan MSC ki don 35 tylli, la iathuh 5 tylli na ka bynta kyllum , 14 tylli la mang na ka bynta ki Khasi-Jaintia bad 14 tylli na ka bynta ki Garo bad na ka bynta kiwei 2 tylli.
