Shillong, Nohprah 19: Ka kabinet kaba la long mynta ka sngi kala shim ia ka rai ban khang khyrdep noh ia ka Mawmluh Cherra Cement Limited (MCCL) namar ka jingbym lah shuh jong ka sorkar ba dang bei pisa ia kane ka karkhna dewbilat kaba la kot sha ka T. 300 klur tyngka tam lada pynkhih im biang ia ka.
Haba kren ha ki lat pathai khubor ha dien ka jingialang jong ka kabinet u myntri rangbah ka jylla u Conrad K Sangma u la ong ba hadien ka jingpeit bniah bad kumjuh ruh ka jingia syllok bad ki paitbah nongshong shnong ka kabinet ha ka jingalang mynta ka sngi kala shim ia ka rai ban khang khyrdep noh ia ka MCCL shipor.
U la ong ruh ba haka ba iadei bad ka jing thmu jong ka sorkar ban pyntreikam da ka jingiatreilang bad ki riewshimet u myntri rangbah ka jylla u la ong ba kane kam shym la urlong namar ba bun na ki company shimet kim shym lah lah ban kot sha ka jing thymu jong ka sorkar kumta na ka liang ka sorkar jylla kam banse ban shim noh iakne ka rai ha kaban khang noh shipor iakne ka karkhana.
Kiwei kiwei pat ki mat jingiakren ha kane ka kabinet ki long ha kaba ia dei bad ka jingwan rah ia ka Amendment Bill halor ka Captain Williamson Sangma State University ha ka ban pyniar ia ka jingtrei kam jong ka na ka Technical University sha ka State University ha ka ban don ki jingkylla ki ban iatrelang bad kat kum ki kynsdon ain jong ka UGC.
U Myntri Rangbah u la wan rah ruh ka jingpyn kylla ha ka ba iadei bad ka amendment ha poh ka Meghalaya Civil Defence and Home Gaurds service rules ha ka ba iadei bad ka jingsah thylli ki post ki ba ym pat shym lah lah ban thep, ha kane ka amendment rule yn wan rah ruh ia ka jingpynkylla ha ki kyrdan pule ki ban ia ryngkat kat kum ki kyndon jong ka tnad pulit.
La wan rah ruh ia ka amendment ha poh ka Meghalaya Public Service Commission regulation 1972, kaba ai jingbthah ha ka ba iadei bad ka jingthungkam khlem kino kino ki exam ka ba long kat kum ka jingbthah jong u Lat ka jylla kaba hap hapoh ka Article 320(3) kat kum ka constitution. Ha kane ka Amendment yn weng ruh ia ka kyntien “backward Classes” ha ka ba kat kum ka Reservation policy kane ka kyntien kam shym la don ha poh ka Reservation policy.
