Shillong, Nailar 21: Ka ophis jong ka tnad khlaw lyngba u District Forest Officer jong ka Social Forest Tree ka East Khasi Hills District kala buh da ka jingthoh ban nym shah ban ieng briew ha ka jngkieng dieng ha Nan Polok bad ha kadien kata la khang syndon wat ban iaid briew halor katei ka jingkieng.
Sha shiliang jong ka jingkieng la thoh ban nym pyndon kam ia kane ka jingkieng kaba la tlot, mynta ba baroh ar liang jong ka jingkieng la khang syndon da kaba ker da ki siej, kane kala pynduh lat ia ki paidbah ban bret shna ia ki dohkha nalor katei ka jinbgkieng.
Haba u SP News Agency u la wat jingtip la shem ba la khang ia kane ka jingkieng kaba khriang ia ki briew kiba leit sha katei ka Nan Polok ban iaid kai pyngnad mynta la shiphew bnai ei ei naduh ba don ka Cherry Blossom Festival ha u snem 2022 bad kane ka jingkhang ka dang bteng haduh mynta.
Ki thymmei khubor ki iathuh ba na ka liang jong ka tnad khlaw, ka dei ka nongpeit ia kane ka Nan Polo lyngbah ka shnat Social Forest Try haduh mynta kam pat don kano kano ka dak ba kan pynbha noh ia katei ka jingkieng kaba ki kam ba kala synjor.
Kiba leit ban iaid pyngad hapoh katei ka jaka kaba itynnad kaba don ha pdeng jong ka sor Shillong kiba bun ki pynpaw ia ka jingsngew diaw ban iohi bala khang ia kane ka jingkieng ban iaid bad ban bret shana ia ki dohkha kiba don ha katei ka pung.
Kiba bun kila ong ba ha ka jingshisha ka tnad khlaw kala dei ban maramot ne shna ia katei ka jingkieng kaba la shna naduh ka por jing ki phareng khnang ba ki paidbah kiba leit ban iaid pyngad ha katei ka jaka kin ioh ban pynbyrngia ban jngohkai ia ki dohkha.
