Shillong, Rymphang 03: Kum ka jing pyrshah iaka skhim VB -G RAM G bala pyn treikam daka sorkar BJP bala lamkhmat iaka Sorkar Pdeng ba kala pynduh pyndam iaka skhim MGNREGA Mynta ka sngi naka liang ka Seng Congress jong ka Ri Bhoi District Congress Committee kala bteng biang ban pynlong daka jingiakhieh ka ba jar jar kum ka dak jong ka jing pyrshah bala pyn kylla iaka Skhiem MGNREGA 100 sngi sha ka Skhiem VB -G RAM G kaba 125 sngi kaba la long ha pyrshah jong Indoor Stadium Nongpoh.
Bad hadien ka jingpynlong iaka jingiakhih kaba jar Jar naka liang ki Nongialam jong ka Seng Congress kila pynlong daka jingiaid kjat shaduh sha office jong u Deputy Commissioner ka District Ri Bhoi ban ai syndon daka Dorkhas sha U Deputy Commissioner u Abhilash Baranwal kum ka dak jong ka jing pyrshah bala pyntreikam iaka Scheme VB -G RAM G.
Ha kane ka sngi la iadonlang naduh u President jong ka Ri Bhoi District Congress Committee u Bah Rocky Marwein u President jong ka Jirang Block Congress Committee u Bah Phrangsngi syngkli lem bad kiwei kiwei ki nongkitkam jong ka Seng Congress.
Kumba shu kdew khyndiat ba dang hakine ki khyndiat sngi naka liang ka Ri Bhoi Congress Committee kala pynlong daka jingiakhih kaba jar jar ha Iew Byrnihat.
Haba ai jingkren naka liang u President ka Ri Bhoi Congress Committee u Bah Rocky Marwein u la ong ba kum ka Seng Congress ka pynpaw iaka jing pyrshah kaba jur iaka Sorkar BJP hadien baka la pyntreikam pura iaka Scheme VB -G RAM G kaba ioh ban trei 125 sngi hynrei kala pynduh pyndam noh iaka Scheme MGNREGA kaba ki paidbah ki ioh bylla 100 sngi.
Bad shuh shuh u la bynrap dakaba ong ba ka Congress kam shong kli ktie iakane ka mat kaba ktah iaki paidbah ba kim ioh shuh iaka hok kumba ioh haki por kiba mynshwa bad ka Seng Congress ka khot ka wer iaki Dorbar Shnong ban ia snoh kti lang ban pynlong daka jing iakhih kaba kham tyngeh kan ban sah long hakine ki sngi ha Nongbah Shillong.
