Shillong, Jymmang 11: Ka Seng Hynñiewtrep Integrated Territorial Organization(HITO) Ka seng ka la leit ban iakynduh sha u symbut myntri ka sorkar jylla u bah Sniawbhalang Dhar ban aiti ia ka dorkhas ba la dei ban Shana noh da ka aiñ lane policy ban pynioh scheme ia ki khynnah pule.
Kane ka polis kan long kyrpang tang ia kiba wan na ka longing longsem ba duk ba jynjar ban ioh ka jingiarap na ka sorkar ba kin lah ban pyndep ia ka jingule ba shakhmat jongki.
Na ka liang ka HITO lyngba u President rangbah ka seng u bah Donbok Donbok ka la buh ka jingkyrpad, Katba kam pat don Lane pat lah ban pyntrei kam iakata ka policy dei ban ai jingiarap ki khynnah ki ba pas bha bad ki ba khlem shym la lah shuh ban pyndep jingpule ban shim na ka Chief Minister relief fund lane na kano kano ka fund kaba lah ban iarap.
U bah Donlang Dkhar u la buh jingkylli, Haba ia ka Karbi Hostel ka sorkar ka lah ban pynshna bad pynbiang jaka sah ia ki, Kan eh aiu hi ia ka sorkar ban ai jingiarap ia ki briew la jong kiba donkam ia ka jingiarap.
“Lada ka sorkar kam lah ban leh eiei halor kane ka mad kaba donkam ia ki khun samla, kumba ka seng hi ka la leh ha kiwei ki issue kan nym shongthait, kan iakhun beit haduh ban da jop khnang ba ka lawei ki khun ka pateng kin ioh ia kane ka bha kaba dei ka hok ka jongki”
Shuh shuh bah Donbok u la ong, Na ka liang u bah Dhar u la ong ba un sa rah ia kane ka Memorandum sha u Myntri Rangbah ka jylla u Conrad K Sangma ban ioh iakren ha ka jingialang kynhun myntri ban peit bniah ia ki criteria.
