Shillong, Iaiong 04: Ka seng samla pule Jaintia Students Union seng kmie kala phah ia ka dorkhas sha u myntri rangbah ka jylla u Conrad K Sangma ban dawa na na ka bynta ban ia khun ia ka MDC elekshon sha ka Jaintia Hills Autnomous District Council dei ban don ia syrnot Schedule Tribe.
Ka JSU ka kyntu ia ka sorkar jylla ba kan ia kren lem bad u Lat ka jylla ban pynkylla ia ka Assam and Meghalaya Autonomous District Council ( Constitution of the District Councils) Rules, 1951, kane ka long kaba don kam ba baroh kiba ia khun ia ka MDC elekshon ha JHADC kin hap suh ia ka syrnot Schedule Tribe.
Ka JSU kala thoh shai ban pynkylla ia ka Rule 8 bad ia ka Rule 128 ban pynthikna ba dang ki riewlum na Jaintia Hills kin lah ban ia shim bynta ha ka elekshon MDC ha JHADC bad ha ka juh ka por ka seng ka dawa ba la don kam kyrkieh ban pyntreikam ia ka jingpynrung kyrteng ba kyrpang ha ka electoral roll.
Ka jingdon bun kynsan kiwei ki jaidbynriew ki bym dei ki trai jylla ha ki katto katne ki jaka ha Jaintia Hills kala pynlynga ia ki paidbah khatam ha ka jingdon kiba thep vote ha ka MLA election kaba la dep, kane ka jigniew kynsan kawanrah ia ka jingsyier.
Halor kitei ki jingma kiba ka seng ka iohi ka dawa na ka sorkar ban pynkylla ia ki kyndon ba kito ki ban ia khun ia ka MDC elekshon ha JHADC ki dei ban don ia ka syrnot Schedule Tribe bad ka sorkar ka dei ban pynpyntrei kam noh ia ka jingpynrung kyrteng ba kyrpang ha ka thup jong ki nongthep vote. Ia ka dorkhas la soi da u President u samla Jersom Shylla bad u samla Neilkee Mukhim General Secretary.
