Shillong, Risaw 29: Mynta ka sngi ka seng A.chik Conscious Holistically Integrated Krima (ACHIK) kala ai ai ka dorkhas sha Deputy Commissioner jong ka South West Garo Hills District ha Ampati ban kyrpad banbuh ia ka ATM ha iew Purakhasia.
Ka seng kala ong ba ka ATM ka long kaba don kam ban buh ha katei ka jaka namar ka long pdeng ia baroh ki shnong kiba don sawdong jong ka bad kane kan iarap ia ki nongshong iew bad ki nongleit iew leit hat.
Ka seng ACHIK ka ong ba ka Iew Purakhasia ka dei ka iew kaba longman ka sngi bad la iohi ruh shibun ki paidbah ki leit ia wan ban ia siew ia tad ha kane ka iew man ka sngi kumba la don kam ban don ka ATM ha kane ka jaka.
Ka da jingdon jong ka ATM kan pynlaity ruh ia ki paidbah na ka jingpynsei kai ia ka por jong ki ban leit sha bank ban ienglian ban seipisa ban leit iew leit hat, la kyrpad ban buh ia ka ATM ba dei jong ka SBI kaba don ia ka shnat treikam ha katei ka jaka, iaka dorkhas la soi da u Happynews R Marak Genenral Secretary.
