Shillong, Kyllalyngkot 10: Ka KSU Upper Shillong Circle ha ka jingialam U Samla Pynskhemlang Syiem Vice Presiden, ha ka jingdon ryngkat ki nongialam ka Circle ha ka 7 tarik U Kylla Lyngkot 2026 ki lah ioh ban leit ai jingiarap da ki mar bam mar dih, ki tiar shet tiar tiew, ki nep kup bad kiwei kiwei ki tiar sha ki 3 ngut ki longiing kiba mad ia ka apot pluh ding.
Kane ka jingjia ka jia ha ka Sngi U Blei kata ka 3 tarik U kylla lyngkot 2026. Ha kane ka jingjia ym shim la don kano kano ka jingmynsaw. Na ka liang ka Seng ka ai ka jingkit bok ia kine ki longiing ba U Blei Un don ryngkat bad ki ha baroh ki bynta khamtam kum ha kane ka por ba ki mad ia ki jingeh.
Na ka liang jong ka seng sngew ban ong ba wat hapdeng kane ka jingduk kaba khraw ha kane ka jingpluh ding kam shym la don kano kano ka jingmynsaw, kane ka jingai ka seng ka long ban kyrshan ia kane ka long katba ka lah ha kane ka jingjia kaba sngewsih.
