Shillong, Jymmang 24: Da ka jingsngewkhia ia ka jingjyllei ki nongkhaii bar Jylla ha thain Byrnihat, Baridua, Khanapara, Umroi Cantonment, Rangment bad kiwei kiwei, ka Confederation of Ri Bhoi Peeple (CoRP) hapoh ka jingialam u President bah Bandari Ryntathiang rngkat ki dkhot hynne ka sngi ka la leit kynduh bad ai dorkhas ia u Chief Exective Member ka Khasi Hills Autonomous District Council (KHADC) u bah Pyniaid Sing Syiem ban tehlakam ia ki nongkhaii bar jylla ha Ri Bhoi District.
Ha ka jingiakynduh ka CoRP ka la ai jingmut ia u CEM ba ki dukan bar jylla kiba wan khaii hapoh u pud ka Council ki dei ban wah ia ka Trading License hakhmat dukan, khnang kin tip ia ki dukan ba la don license, bad kane kan iarap ruh ia ki nongtrei ka council ne ki kynhun sengbhalang haba ki leit khynra ia ki dukan bar jylla.
Ki nongialam ki la pynpaw kumba long mynta ym tip kino ki dukan don ba don license bad ki bym don license namar ym pat don ki dukan bar jylla ba wah License hakhmat haduh mynta, kumta ki bar jylla ki shim kabu bad ka pynshlur ia kiwei pat ban wan khaii beain khlem traiding license kaba wanrah ka jingduhnong ba khraw ia ka Council baroh kawei.
Kumta ka la kyntu ia u CEM ba ka Conncil ka dei ban btah ia baroh ki dukan ki dei ban wah sahkhmat dukan ia ka Trading License khang ba kin tip bad kan iarap ruh ban khanglad ia kito ki briew ba shu wankam trai ia ki dukan ha ka por khynra Lisence.
Kumjuh ka seng ka kyntu ia u Bah Pyniaid Sing Syiem ba ka Council ka dei ban sangeh noh ban ai trading License ia ki kam ba ki trai jylla ki lah ban trei hi, namar lada ka ai license ka long kumba ka khanglad ia ki trai jylla ha ka khaii pateng bad ki bar jylla ki nangiai jyllei na ka por sha ka por.
Halor kane u CEM ula ong, ba un shimkhia ia katei ka kam ban tehlakam ia ki bar jylla ba wan khaii beain ha Ri Bhoi District, ula pynpaw ba u kloi ban pdiang ia ka jingai jingmut ka seng bad ki dukan ki dei ban wah ia ki Trading Licence hakhmat ki dukan ban iohi bad ula bynrap ia kane yn pyrshang shwa ban pyntreikam na Ri Bhoi District.
