Shillong, Lber 05: Mynta ka sngi ka seng HYC kala leit ban ai ia ka jingthoh sha u CEM jong ka KHADC u bah Shemborlang Rynjah ha kaba ka seng kala buh shibun ki mat trei kam ha khmat ka EC ba ka seng ka kwah ba kane ka EC kaba mynta kan peit bad leh ia kaba don kam kum ka jingai jingmut.
Na ka liang jong ka seng kala leit ban ai ia ka jingthoh ka ban long kum ka jingai jingmut ruh ia ka EC kaba thymmai bun ki mat trei kam, kawei kaba kala buh kum ka jingthung kam kaba khuid, kine ki long ki mat kiba ka HYC kala buh ha ka jingthoh kaba kala ai sha u CEM.
Ha kaba iadei bad kane, ki kyrpadia ka EC hapoh ka jingialam ka jong phi kum u CEM ba phin thung kam thungjam hapoh jong ka Council hi baroh kawei katkum ki kyndon jong ka Service Rules 1961 bad ha ka lynti kaba khuid ba suba khlem da pyndonkam bakla ia ka borkum ki Nongmihkhmat ne shuthung beain kumbalah jia ha ki snem balah leit ia kaba lah paw lyngba ka CAG Report 2019.
Ha kaba iadei bad ka jingaiia ki Trading Licence ki kyrpad pyntreikam pura iaki kyndon jong ka THE KHASI HILLS DISTRICT (TRADING BY NON-TRIBALS) REGULATION, 1954 bad ki Rules ba lah shna da ka Council. ki ai jingmut ruh iaka EC ba ha kaba iadei bad ka jingai Trading Licence ia ki bymdei ki riewlum dei ban don ka kyndon ba kiba kum kita ki briew kidei ban dei ki nongshong shnongk iba pura ka jylla.
Ka EC kadei ban shim khia ban pynnehpynsah iaki Khlaw ki Btap bad ki Tyllong Um ha kylleng u pud u sam ka Council lyngba ka jingiatreilang ki Dorbar Trai Ri.
Ki ai jingmutruh ba dei ban pynnehpynsah iaka jingjyrngam ka mei mariang lyngba ka jingpynbna ‘Law-Adong’ hakiba bun ki jaka nalor kiba lah don mynta. ki ai jingmutruh ban shim khia ban pynkhie imbiang bad pynkhuid iaki Wah kum ka Wah umkhrah, umshyrpi bad kiwei bad kumjuhruh ban iada ia kiwei pat ki Wah kiba don jingma lyngba ka jingle thurmur bad pynjaboh iaki.
Ka seng ka kyrpad iaka EC ban thaw iaki lad ki lynti kumno ban tehlakam bad pyrkhing bha halor ka khaii ka pateng bad ka jingshim kabu jong ki briew kiba mlien ban shukam kyrteng naka bynta ki nongkhaii ki bymdei ki trairi traimuluk da kaba leh Benami. Ka Council kadei ban shim kamTyngeh lada lap ia kiba kum kita ki briew kiba leh Benami hapoh u Pud u sam ka Council barohkawei.
Na ka liang jong ka Seng ki kloi ban iatreilang ban ai jingmuthalor kumno ban pynurlong ia kitei ki jingai jingmut haneng ha kano kano ka por na ka liang ka jong phi phidon kam ia ka seng ia ka shithi la soi da u bah Roykupar Synrem Preisdent ka seng kmei.
