Shillong, Iaiong 09: Ka Company shna surok jong ka sorkar pdeng ka National Highway and Infrastructure Development Coorporation Limited kaba don ha Shillong kala ai da ka kali kit nongpang sha ka ophis jong ka Ophis jong ka District Medical Health Officr jong ka Ri Bhoi District, ha jingialang kaba la long ha DC ophis ha Nongpoh.
Ha kane ka sngi la donlang u Deputy Commissioner jong ka Ri Bhoi District u Abhilash Baranwal, ryngkat ka DMHO jong ka District ka Doktor R. M Marak ki Nongialam jong ka Kompany NHIDCL bad kiwei ki ophisar ka sorkar jylla ha kane ka jingaiti ia ka kali kot nongpang sha ka ophis jong ka DHMO Ri Bhoi.
Ha kane ka jingialang ban aiti ia ka kali kit nongpang u Deputy Commissioner ka District u Abhilash Baranwal u la ai khublei ia ka NHIDCL kaba noh syniang ia kane ka kalibad u khmih lynti ba kin dang leh bun kiwei kiwei ki kam ha ki por ba dang wan na ka bynta ka District lyngba ka District Administration.
La ong ba ia kane ka kali kaba la ai da ka NHIDCL sha ka ophis jong ka DMHO ka Ri Bhoi District, na ka liang jong ka ophis pat kan aiti sha ka jaka ai jingsumar kaba don ha Umiam ka Umiam State Dispensary ba kin pyndon kam ia ka kali ban kit ia kiba pang shitom sha ki jaka ai jingsumar.
