Shillong, Jylliew 04: Ka Jaintia Students Union (JSU) mynta ka sngi kala phah ia ka jingai khublei ia u myntri rangbah ka jylla u Conrad K Sangma ba la sngap ia ka jingai jingmut jong ka seng ban plie noh ia ka jinghikai jan miet ha Kiang nangbah Government College iaka Higher Secondary School.
Ka seng ka iohi bad a kane ka jingplie ia kane ka jinghikai jan miet kan pynioh ia ka lat ban pynrung klass ia baroh ki samla ba pass ia ka SSCL kiba dang don kumba 200 ngut ei ei katkum ka jingkhien kaba ka seng kala dep ban phah sha ka sorkar.
Ka seng ka pynpaw ruh ia ka jingai khublei ia u DC jong ka West Jaintia Hills u Abhinav Kumar Singh IAS bad ia ka DSEO ka kong A.P Syiem kiba la trei shitom na ka bynta ban pynurlong ia kane ka jingai jingmut jong ka seng.
Ban pynkynmaw ba ka sseng kala ai jingmut sha ka sorkar ba sei ban plie noh ia ka jinghikai jan miet ha KNGC Higher Secondary Skul bad haba ki khynnah kim ioh klass ka seng kala pynlong ia ka jingiakhih bad kala ban biang ban plie ia ka jinghikai jan miet ha KNGC ia kaba la pdiang da ka sorkar mynta.
