Shillong, Iaiong 03: Ka seng long kmie jong ka Lum Marboh Nongrah kila pynpaw ia ka jingsngewnguh ia ki pulit kiba la trei shitom kiba la ioh ban kem ia u briew u ba la suba pynioh ia khynnah Kyrshanbor Kharmudai ha u snem 2025.
Ka kong Bobina Dhar kala ong ba kane ka jingjia kala ktah ia ka shong baroh kawei, kum ki riew paidbah ki ai khublei ia ki pulit kiba shim khia ia kane ka kam siew ha kaba kila kem ia u ba ki suba ba pyniap ia u hep rit.
Kala ong bakum ki kmie kala don ka jingsngewkhia ia ka jingshngian jong ki khun bad kum ka kynhun ka seng long kmie ka kyntu ia ki bor sorkar ba kin dang pynkhlain ia ki lad ai jingiada.
Ka kong Asenla Nongrum, President ka Seng Longkmie jong ka shnong Nongrah ka long ba ka jingioh ban kem ia u bala suba don kti ban pyniap ia u khynnah kala wan rah ia ka jingshngian bad ai ka hok kan ieng, kala ong ba ka jingjia kala ktah bad sngewngiew shisha kala kyntu ia ki paidbah ban long kiba peitngor bad ban ia trei lang ba ki bor pulit.
Ka hynmen jong u Kyrshanbor Kharmudai bam kwai ha dwar ublei kala ong ba haduh mynta kim pat lah ban pdiang ia kane ka jingjia kaba sngewsih namar ka jingduh ka long kaba khraw bad ka daw ana ki bor ka ain ba kin ai ka jingpynshitom kaba dei katkum ka ain ia u ba shah kynnoh ban iada ia ki kam sniew ha ki sngi ban dang wan.
Ki paidbah nongshnong shnong ki dawa ban pynioh ia ka hok bad ha ka juh ka por ban ai ka jingshong shngian katba ki pulit ki dang iaid bteng ban tohkit bniah ia kane ka jingjia kaba sngewsih kthang.
