Shillong, Jylliew 04: U Dr. BKD Tiwari mynta ka sngi u la ai khublei ia ki paidbah jong ka jylla Meghalaya kila la mih ban thep ia ka vote jong ki ha kane a MP Elekshon sha Lok Sabha ha baroh ar tylli ki Konstitwensi ha kane ka jylla, ka 1-Shillong Parliamentary (ST) Konstitwensi bad 2-Tura Parliamentary (ST) Konstitwensi.
Haba kren ha ki lat pathai khubor u CEO u l ai khublei ia ki paidbah kiba la mih paidbah bad thep ia ka vote jong ki khlem kano kano ka jingsyier bad kiba la thep vote baroh ki long 76.6% kiba la thep vote, ha ka 1-Shillong PC kiba poi the vote ki long 73.78% bad ha 2-Tura PC kiba poi thep vote ki long 81.37%.
Kane ka jingthep vote mynta ka kynti ka dei kaba la bun tam ka jingmih ki paidbah ban thep vote haba shim ha baroh ki elekshom MP ha kane ka jylla Meghalaya, kane ka dei kaba bun eh ka jingmih ki nongthep vote.
Ha ka juh ka por la ai khublei ia baroh ki ophisar kiba pyniaid iaka elekshon ha ka jylla Meghalaya kiba la trei shitom haduh ban dep kane ka elekshon, kane ka jingkyrshan jong ki paidbah ban pynneh pynsah ia ka shynshar paidbah ha kane kajylla, la ai khublei kyrpang ruh ia ki pulit bad ki lat pathai khubor kibala trei shitom.
Haba ia dei bad ka jinglut na ka bynta kane ka MP elekshon na ka liang jong u CEO u la ong ba ia mynta ym pat lah ban ong namar b dang hap ban shim jingkhein na baroh ki District ha dien bala ioh jingkhein sa lah ban tip katno ka lut.
