Shillonbg, Kyllalyngkot 19: Ka shnat trei kam jong ka Khasi Student Union ka Employment Cell ha ka jingialam jong u samla Ruben Najiar kum u shongknor mynta ka sngi ka 19 tarik Kyllalyngkot 2026 kala leit ban kynduh ia u shnongknor jong ka MPSC u bah D Langstang ban ia kren halor kiba bun ki kam kiba ia dei bad ka MPSC.
Haba kren ha ki lat pathai khubor ha dien ka jingiakynduh ia u shongknor ka MPSC u samla Reuben Najiar la ong kumba la iatip ba ka seng KSU kala pynlong bun ki jingiakhih pyrshah ia ka rukom trei kam ka MPSC ban pynioh ia ka rukom thungkam thungjam kaba haduh bala pynlong ia ka sorkar ban thaw ia ka committee ba khlieh da u bah Fredrick Roy Kharkongor IAS, bad kiwei ki dkhot.
Na ka liang jong ka Kommittee kala ai ia ka kaiphot bad ha ka juh ka por na ka liang jong ka KSU kala ai ruh ia ki jingai jingmut, namar kane ka dei ka kaiphot jong ka sorkar kaba la phah sha ka MPSC ba kan shim ia ki jingai jingmut ban wanrah ia ka jingpynbha ia ka jingtrei kam hynrei ka long kaba sngewsih ba haduh mynta ympat leh ei ei mynta la san bnai bad dei kane kaba la long ia ka seng ban wan ia kynduh ia u shongknor ka MPSC mynta ka sngi.
La iathuh ba ha kane ka jingiakynduh na ka liang jong ka MPSC ka dang peit bniah ia ka jingai jingmut jong ka Kommittee, halor kane u samla Reuben la ong ba kam don ei ei ban peit bniah namar ka committee kala dep leh bad kaba sah ka long ba ka MPSC kan shu pyntrei kam.
Na ka liang jong ka KSU ha kane ka jingiakynduh mynta ka sngi kala ai por ia ka MPSC shitaiew ba kan pyntrei kam lem kumta ka seng kam banse ban shim ia ki lat ki lynti ban pythikna ka ka MPSC kan pyntreikam ia ka ei kaba ka committee kala ai jingmut.
