Shillong, Jylliew 19: Ki pulit jong ka jylla Meghalaya mynta ka sngi kila leit rah ia ka Sonam Raghuvashi bad ia ki saw ngut kiwei pat sha iing bishar jong ka District Session Judge namar ka jingai por phra sngi ia ki pulit ban tohkit kala kut.
U Tushar Chandra umuktiar haba kren ha ki lat pathai khubor la ong ba mynta ka sngi la rah ia ki san ngut sha iing bishar, na ka liang ki pulit kila pan por biang sa ar sngi ban tohkit kyrpang ia kine ki ar ngut kham bniah shuh ia ka Sonam Raghuvanshi bad ia u Raj Kushwaha halor ka jingshah pyniap u Raja Raghuvanshi namar ka jingai por kala kut noh.
Ka iing bishar jong District Session Judge, kala pdiang ia ka jingkyrpang jong ki pulit ha kaba la shah ba ka Sonam bad U Raj kin dang don sa ar sngi ha kti ki pulit ban tohkit kham bniah ia ki halor ka jingshah pyniap u Raja Raghuvanshi ha Sohra.
Katba ia ki lai sngi kiwei pat kiba la shah kynnoh ba kila don kti ha kaba pyniap ia u Raja Raghuvanshi la phah ia ki sha phatok ban set 14 sngi ia kaba la tip kum ka Judicial Custody, kine kila la phah ban set sha phatok ki long u Vishal Singh Chauhan, u Akash Rajput bad u Annand Kurmi.
Ha dien bala wan rah na Utter Pradesh sha Meghalaya ia ka Sonam Raghuvanshi bad ia ki saw ngut kiwei pat sha Meghalaya ban tohkit, ki pulit kila rah sha iing bishar ha ka 11/6/2025 ha kaba ka iing bishar kala ai pot phra sngi ia ki pulit ban tohkit, kaba la tip kum ka Police Custody.
Ha kine ki phra sngi ki pulit kila pynlong ia ka jingtohkit ha kaba ia dei bad ka jingshah pyniap u Raja Raghuvanshi ha Sohra, ym tang ba kila tohkit hynrei kila ialam ia ki ruh sha ka jaka ba ki pyntiap ha kaba la ioh biang ia kawei ka wait kaba kila pyndon kam ban pom ia u Raja ha ka 23/5/2025.
