Shillong, Jylliew 18: Mynta ka sngi u myntri ba dei peit ia ka tnad ka koit ka khiah u bah AL Hek u la khot ia ka jingialang jong baroh ki hospital ki riewshimet kiba don ha kane ka jylla ban ia kren halor ka dor ban sumar ia kiba pang COVID-19.
Haba kren ha ki lat pathai khubor u la ong ba ha kane ka jingialang la shim ia ka rai ban thaw ia ka “Consultative Committee” ia kaba yn khlieh da u Princpal Secretary ka tnad ka koit ka khiah ka jylla bad ka jingpynbna sorkar yn sa pynmih la shai ka sngi.
Haba jubab ia ki jingkylli na ka liang jong u myntri u la ong ba kane ka kommittee kan hap ban ai ia ka kaiphot sha ka sorkar hapoh shitaiew bad ha dien ba la ioh ia ka koit kaiphot ka sorkar kan sa lah ban shim ia ka rai.
U myntri u la ong ba ka jingshim ia kane ka rai ka long ba kala don ka jingud ha kaba ia dei bad ka jingkiew jong ka bai sumar COVID-19 ha ki Hospital dei na kane ba ka sorkar ka thaw ia kane ka Kommittee ba kumno ban leh leh ban ia biang lang.
