Shillong, Jylliew 23: Ba kynroh da ki byrni ba shu pyndap shyiap twa ka lynti iaid kjat ha Umiam View Point ha GS Road Mawlai, kane kala pynlong ia ki paidbah kiba sangeh ha katei ka jaka ban peitkai ia ka pung Umiam ban kynshi kyneh ia ka rukom shna kynroh.
Ki paidbah ban ieng kai ha katei ka jaka ban peit itynnad ia ka pung Umiam, kila buh ka jinglylli, hato ka tnad jngohkai pyrthei jong ka sorkar Meghalaya kin kren kumno haba twa kane ka kynroh kaba la kynroh da kaba shuthep shyiap ha ki byrni, hato yn kynnoh ia u ba pyntrei ne ka tnad sorkar ba kam peit.
Ha ka jingjur jng u slap ha kine ki sngi kala pynlong baki byrni kiba la thep shyiap ban kynroh ia katei ka kynroh ban shna ia ka lynti iaid kjat kala twa bad ha kane ka jingtwa kala paw ba la kynroh ia ka tei ka jaka da kaba thep shyiap ha ki byrni khlem kynroh da ki maw.
Ka tnad jngohkai pyrthei kala pynlut haduh T.7.06 klur tyngka ban pynitynnad ia katei ka jaka naduh ban shna ia ka lynti iaid kjat, ban shna ia ka kynroh bad ki jingker hynrei ha kane ka jingslap ki bynri kiba la pyut bala thep da u shyiap ka um kala rong ia u shyiap bad kala wanrah ia ka jingtwa katei ka kynroh.
Haba u SP News Agency u la poi sha katei ka jaka la ioh ba ka lynti iaid kjat kala dkhat ha kane ka jingtwa ka kynroh bala kynroh na sha poh da kaba kynton da ki byrni kiba la pyndap da u shyiap.
