Shillong: Mynta ka sngi ka Jaintia Students Union Shillong Circle bad ka seng kmie ha ka jingïalam u Adviser A. Suchiang ka lah leit ai ïa ka dorkhas ha u Principal Secretary jong u Lat ka jylla Meghalaya ha kaba ïa dei bad ka jingshah lehbeiñ ki briew na Northeast ha kylleng ka Ri India.
Ka JSU ka lah kyrpad ïa u Lat ka jylla Meghalaya ban thoh bad ban ïa kren ha kane ka phang bad ka sorkar india (sorkar pdeng) ban shna ïa ki aiñ ban ïada ïa ki briew northeast kum ka National Anti Discrimination Law.
Ha kane ka National Anti Discrimination Law dei ruh ban kynthup ïa ki aiñ kiba khlaiñ, Kiba kren pynmong da ka ktien (racial slur) – ki dei ban shah pynshitom da kaba set phatok 6 bnai bad ka kuna.
Kiba donkti ha ka shoh ne pynmynsaw (assault case) – ki dei ban shah pynshitom da kaba set phatok 3 snem bad ka fine. Kiba donkti ha kaba pynïap (murder/killing) – Ki dei ban shah pynshitom da kaba set phatok shi jingim lane da kaba rai phasi.
