Shillong, Kyllalyngkot 23: U National Working President ka National People’s Party u James K Sangma u la thoh sha u myntri rangbah ka jylla Odisha u Mohan Charan Majhi ban ujor halor ka jingshah shoh u pastor Bipin Bihari Naik ha Dhenkanal.
Ha ka shithi kaba la phah ha ka 22 kyllalyngkot 2026, u nongialam ka NPP u la ong ba kaei kaba jia ba u wei u nongialam niam u la shah shoh ha khmat ki paidbah ha ka 4/kyllalyngkot/2026 bad u la dawa u myntri rangbah ka jylla Odisha u dei ban tuklar mardor ia kane ka jingjia.
Ha ka shithi u James u la ong ba u myntri rangbah ka jylla Odisha u dei ba tip ba ka bor ka shnong ha ka riti synshar jong ka Ri India, ha kaba ka jngeit ka dei ka jingngeit jong u briew shimet bad lada don kano kano ka jingbakla ka don ka don ban bishar.
Kane ka jingjia kala pynjah burom ia ka jylla Odisha ka jylla kaba don ka shongsuk shongsain, hynrei kane ka jingjia kala thad mada ha khmat ka ri namar ki khrsitan ki im ia ka jingim kaba donburom.
Kane ka jingmih paidbah ba kin shim ia ka ain ha kti tang na ka bynta ka jingngeit ka jong ki ka long kaba ym lah ban pdiang, ka don ka ain, ai kibor kiba dei peit kinb tohkit.
Kaei kaba la leh ia u Pastor Bipin Bihari Naik ka long kaei kaei kaba ymlah ban pdiang, u nongialam ka NPP u khmih lynti ba u pastor u dei ban ioh ia ka hok ka jong u, la thoh ha ka shithi kaba la phah sha u myntri rangbah ka jylla Odisha.
