Shillong, Nohprah 11: Ar ngut ki samla pule ba leit pule doctor na ka bhah jong ka sorkar sha jylla Jharkhan na ka bhah jong ka sorkar kila duh noh ia ka bhah jong ki namar ba la pynduh noh ia ka jaka pule da ka sorkar pdeng.
U Myntri ka tnad ka koit ka khiah u Bah AL Hek ha dien ba u la ioh ia kane ka jingtip u la shim khia ban ia kren bad ka sorkar pdeng bad ia kane ka bhah kaba la phah sha Jharkhan la pynioh biang ia kine ki samla pule ba kin bteng ia ka jingpule jong ki sha Delhi ha ka MBBS.
Na ka liang jong u myntri u la iathuh ba ka jylla Meghalaya ka ioh 85 tylli ka bhah ban leit pule doctor bad 50 seat ki dei jong ka sorkar pdeng ha u snem 2020-2021, ka jingduh jong kitei ki ar ngut ki samla pule ban bteng ia ka jingpule jong ki ha ka Palamu Medical College ha Jharkan ka long ba ka College ka khlem pynthymmai ia ka jingbit bad ka tnad ka koit ka khiah jong ka sorkar pdeng.
Halor kane ka sorkar jylla kala shim khia ban ia kren bad ka tnad ka koit ka khiah jong ka sorkar pdeng bad ha dien ka jingiakren la ioh pdiang ia ka shithi bad ia ki ar tylli ki bhah kiba dei jong ka sorkar Meghalaya la ioh ban pynrung ha ka Maulana Azad Medical College New Delhi
Kine ki khynnah kiba la tip kyrteng kum u Fostitos Chenang J Sangma bad ka Sagaba Marak ki la pynpaw ia ka jingsngew kmen ba ki la ioh biang ia ka bhah na ka bynta ban pule MBBS ha Maulana Azad Medical College,NewDelhi.
