Shillong, Iaiong 05: ka iing kaba la pluh ha Laban jan Last Stop ka dei ka iing jah kaba ym don ba sah ka dei ka iing Assam Type bad la iathuh ba u ba sah khatduh ha kane ka iing la khot sien ia u kum u Kabul.
Kiba sah mar jan ha kane ka jaka ba pluh ka iing kila iathuh ba kim da tip bha ia trai iing namar la slem ym don ba sah trai ha kane ka iing bad u ba sah khatduh ha kane ka iing dei u ba la sien kyrteng kum u Kabul.
La iathuh ba ka jingpluh kane ka iing ha ka miet 4/Iaiong/2026 ka jia ha ka por kumba khyndai baje tam ei ei por miet ki kyndit tang ynda ka dieng kala klang bad da ka jingkloi ban poi ki kali pynlip ding la lah ban tem ia ka na kaba pur sha ki iing ba mar jan.
Ha kane ka por ba ka iing ka pluh kane ka dei ka iing kaba la ieh iing jah la kham slem namar naduh ba mih u Kabul yn don shuh ba wan sah ha kane ka iing la iathuh kiba don mar jan.
