Shillong, Lber 12: Namar ba pynslem ban pynmih ia ka results District Selection Committee jong ka Ri Bhoi District mynta ka sngi ka 12/Lber/2026 na ka liang ka State Youth Wings ka Voice of the people ha ka jingialam jong u President u Samla Marbud Dkhar ha ka jingiadonlang u Vice President ka Ri Bhoi Youth Wing u Samla Ashosstar Shylla lem bad kiwei kiwei ki dkhot ki la leit ban ia kynduh ia u Deputy Commissioner ka District Ri Bhoi u Abhilash Baranwal ban pynsngew halor ka jingslem ban pynmih ia ka Results bad ha kane ka sngi ki la ai ruh ia ka dorkhas.
Hadien ka jingiakynduh ia u Deputy Commissioner u bah Marbud Dkhar ha ba kren sha ki lad pathai khubor u la ong ba ka daw ba ki leit ban ia kynduh ka dei halor ka jingioh jingujor na ki samla kiba thoh exam DSC ba ka jingslem palat ban pynmih ia ka Results.
La ong haba ioh ban ia kren bad u DC ka Ri Bhoi u la ong ba ka jingpynslem ban pynmih ia ka results DSC ka dei bym don u nong peit ia ka OMR sheet bad u la ong ba hadien 2 taiew na ka liang ka DSC kan sah thung noh ia u Vendors ban pynmih noh iaka Results DSC.
Ka State youth Wings kala pynpaw ruh ha khmat u DC da kaba ong ba lada ki pynmih iaka Results DSC ki dei ban pynmih ia ka kyrteng ia u Roll number bad ia ki marks jong ki Candidate baroh, bad na ka liang ka Youth wings kala pynpaw ka jing sngewnguh ba u DC ba u la shim khia ia kine ka mat.
Ki nongialam ka VPP kila ai ruh ka jingiaroh ba ka DSC Ri Bhoi ka buh ia ka por thoh exam 10 baje thik ka long kaei kaei ka jingioh lad ki khynnah kiba na jngai ban ioh ban thoh exam ha ka por kaba biang.
Bad na ka liang u Bah Marbud Dkhar u la ong ba DSC East Khasi Hills District ka dei ban bud nuksa na ka DSC Ri Bhoi ban buh ia ka por 10 baje mynstep khnang ba ki nongthoh exam ki ba na jngai kin ioh lad ban poi ha ka por kaba biang.
