New Delhi, Nailar 11: U Lieutenant General Simon Stuart, u khlieh duh ki shipai ka ri Australian u la wan poi sha India ha ka jingwan kaba saw sngi lynter naduh mynta ka sngi haduh ka 14/8/2025 kane ka jingwan jong u ka long ban pynkhlain ia ka jingiadei ha ki kam iada ri hapdeng kine ki ar tylli ki ri.
Kane ka jingwan jong u khlieh duh ki shipai na katei ka ri sha India, ka long kaba don kam bha bad ha kane ka jingwan un ai jingkren ha jaka ai jinghikai ia ki shipai ka Ri India ka National Defence College bad un leit jngoh ia ka National Defence Academy, ha Khadakwasla.
Na ka liang jong ki shipai jong ka Ri India ha kane ka jingwan ka jong u heh shiapai ka ri Australia la batai sha u ha kaba ia dei bad ka Operation Sindoor bad ka jingkiew ha ki tiar ialeh kiba la pynthmmai katkum kane ka juk ba mynta.
Ha kane ka jingwan la ia kynduh ia u General Anil Chauhan, Chief of Defence Staff; Admiral Dinesh Kumar Tripathi, Chief ki Naval Staff; Air Marshal Amar Preet Singh, Chief ki Air Staff; and Shri Rajesh Kumar, Defence Secretary.
Ha kane ka sngi u General Stuart u la leit buh syntiew ha u maw mot shah kynmaw bala tip kum “National War Memorial” ban ai ka burom ia ki shipai ka Ri India kiba la pha ia la ka jong ka jingim namar ka ri.
Kane ka jingwan jong u sha India ka long ban pynskhem ia ka jingiada ha pdeng kine ki ar tylli ki bad ban wan rah ia ka jingsngewshiang ha ki bynta jong ka Indo-Pacific ha kaba kine ki ar tylli ki ri ki don ia ka bynta kaba khraw.
