Shillong, Nohprah 02: u Director ka DREAM u bah Francis Kharshiing la ong ba ha dien ba u la shimti ia kane kam u sngewthuh ban ialeh pyrshah ia u drok ki don bunsyrtap kam dei kaba suk don kam ia ka jingiatreilang kiba bun ba lang.
Haba kren sha ki lat pathai khubor ha dien ka jingiamir jingmut bad kiba la ngop ha kane kam dih drok ha Shillong, la ong ban ialeh pyrshah ia kane kam die ka kam kaba suk, kam kut tang haba kem ia ki nongkhaii, hynrei ki don bun ki sohkyrdot.
La ong ba ka dei ka jingshisha ba ki duna ki jaka ai jingsumar ia kiba ngop ha ki kam dih drok, la ong ba mynta u dang pynkhreh ban thoh sha ki 6 tylli ki Deputy Commissioner ban kiba la shah ktah ha ki kam dih drok ba kin iakren bad ki hospital ne ki kompeni ban sdang ia ki jaka ai jingsumar.
La ong ba ha dien ba u la ia don bynta ha ka jingialang ha Mawprem bala pynlong da ka Manbha Foundation habala kit ka jingialang por ba ki ia dih sha u la ia kren bad kiba la ngop ha ka jingdih ki ong ba lada ki ioh ia ka jingsumar ei ki kloi ban shah sumar hynrei mynta kim lah banar ka dor bai shah sumar ha ka shibnai ka long ha pdeng T.8000/- haduh T.15000/- tyngka.
U Bah Kharshiing la ong ba ia kane ka jingeh yn sa ia kren bad ka sorkar jylla, namar ha dien ba la shimti ia kane ka kam u sngewthuh ba ka dei kaba eh shisha ban ialeh pyrshah don kam ia ka jingiatreilang ha baroh kiliang.
