Shillong, Kyllalyngkot 04: Ryngkat bad kiwei ki jylla ha ka Ri India mynta ka sngi ki kynhun jong kito kiba ieit mrad kila pynlong ia ka jingiakhih kaba jar jar kaba ar kila sdang ha ka por 4.30 janmiet bad pynkut ha ka por 6.30 baja jan miet bad ha Meghalaya la pynlong ia ka jingiakhih ha Khyndaidlad ha kaba ki phew ngut ki briew kila wan ban ia shimbynta ha ryngkat ki jignthoh ha ki plakard.
Kawei na ki nongiashim bynta ka kong Tee Lyngdoh Mawlong haba kren ha ki lat pathai khubor kala ong ba ka jingpynlong ia kane ka jingiakhih kaba jar jar ka long ban pynsngew sha ka iing bishar kaba ha khlieh duh jong ka Ri India ka ban sa shongbishar ha kaba ia dei bad ki ksew surok ha ka 7 Kyllalyngkot 2026.
Kaei kaba ka iing bishar ha ka rai kaba la dep ka long ba ki sorkar kin buh ia ki jaka ban buh ia ki ksew surok, kaei kaba ki kwah ka long ba ka iing bishar kaba ha khliehduh jong ka Ri India kan pynneh iaka ain ABC kaba la don, kaba la kren shai ba dei ban kem ia ki ksew surok shohdap ia ki ksew shynrang bad puid pynlyngki ia ki ksew kynthei.
La ong ba ha kane ka jylla Meghalaya ka sorkar kala shna ia kum kane ka jaka ha Upper Shillong hynrei haduh mynta kam pat pyntrei kam, ban ong ban set ia ki ksaw shijaka ka long kaba ymlah ban long namar ki ruh kidei ki jingthaw ba im, ha kane ka jingiakhih kaba jar jar kaba la long ha Khyndailad la wan ban ia shim bynta na baroh jaidbynriew.
