Shillong, Lber 02: Ka sorkar kala mang pisa T.280 klur tyngka ban shna pyneh ia ka surok na Weiloi sha Phlangwanbroi ha kane ka surok kaba la tip kum ka Mawphlang- Balat- Ranikor Road.
Ka jingjurip ban pynheh ia kane ka surok  surok ka la long naduh ki por mynshuwa, katta na Baghmara sha Ranikor, Balat sha Mawsynram sha Mawphlang,hynrei na kidaw kiba ym lah ban tip ha ka jinglong myntri rangbah u Dr. Mukul la pynkylla bad mynta ka sahkut noh tang ha 18-Ranikor.
Ha dien bala duh noh ia kane ka skhim u myntri rangbah ka jylla ba mynta u la pynbha ha ka jingialang ha Mawkyrwat shuwa ka elekshon 2023 ban shna pynbha bad pynheh ia ka surok na Mawphlang sha Weiloi ha kaba ka jingtrei mynta la dep bad ka leit ka wan kala suk shibun.
Kane ka jingpynbna ka sorkar ban shna pynheh noh ia ka surok na Weiloi sha Phlangwanbroi kala pynkmen ia ki nongshong shnong katrei ka thain bad ka jingangnud ka long ban pynbha sha duh 18- ha Ranikor ban pyniasoh bad ka surok bala shna bha na Baghmara sha Ranikor.
