Shillong, Naiwieng 11: U bah Hamarsing Kharmar secretary ba dei peit ia ka riam tynrai Seng Khasi Seng kmie Mawkhar Shillong, la iathuh ba un pynlong ia ka tamasa baa r sngi ha ka 19 bad 20 tarik mynta u bnai.
U bah Hamarsing la ong ba ia kane ka tamasa ba ar sngi la jer kyrteng kum ka ‘Thymmei’ bad ha ka ktien nongwei la tip kum ka “Celebration the Essence of the Land” ha kine ki ar sngi kin don k jingshad tynrai, ka jingrwai tynrai bad ka jingpynirian tynrai bad ka jingiakop Nai Khatsaw Synia bad Thei samla Kukhimai.
Ha kane ka tamasa kaba ar sngi kan don ka jingbatai bniah ia ka rwai iawbei na ka shnong Kongthong bad kaba kongsan ha kane ka tamasa ka long ban pynipaidbah ia ka phlim kaba la ai kyrteng ka “Ka Thymmei, ka Tynrei, ka Tyllong” ia kaba kin pyni ia kaba la shna kyrpang.
Ha kine ki ar sngi ka jingleh kmen ka sdang ha ka por jan miet, la khot la wer ia ki khun ka ri Khasi Jaintia bad kumba ka long mynta ki don 14 tylli ki kynhun ki ban wan ia shim bynta, la khot lawer ruh ia baroh kiba lah ban wan ia shim bynta, kan don ka jignshim pisa ia ka bai rung ba wan peit ia ka jingpyni ia ki riam tynrai.
La iathuh ba ia kane ka tamasa la la bei pisa da ka tnad shangkai pyrthei jong ka sorkar jylla, kane ka tamasa kan long ban pyni sha ka pyrthei ia ka jingdon ki riam tynrai bad kane ka long thik ia ka nongrim jong ka Bri u Hynniewtrep.
