Shillong, Kyllalyngkot 09: Ka North Eastern Council kala bei pisa T.1.43 /- tyngka ban shna ia ka Model Handloom Production Centre ha shnong Marngar, ha Ri Bhoi District ha kane ka jylla Meghalaya lyngba ka tnad karkhana.
Kane ka jaka thian jain ka long ban pynneh pynsah ia ka jingthain jaintynrai bad ban pynbha na kaei kaba la don baroh shikatta na ka bynta kito kiba don ha katei ka thain bad kyrpang eh na ka bynta ki kynthei kiba trei ia kane ka kam.
Kane ka long ban wanrah ia ka jingpynkylla ha kiba bun rukom kumno ban thain ia ki jain bad ha ka juh ka por kane ka jingthain jan kan ai jingmyntoi ha ka ioh ka kot bad ban pynneh pynsah kyrpang ia ka jinglong tynrai.
Na ka liang jong ka NEC kala kren shai ba kane ka jaka thain jain ka long ban kyntiew ia ka rukom pyniaid iew bad ia kane ka jingtrei ia kane ka jaka thian jain la pyndep da kiba pyntrei ha u bnai Nohprah 2025.
