Shillong, Jylliew 15: Mynta ka sngi u myntri ba dei peit ia ki kam shna surok jong ka sorkar pdeng Nitin Gadkari la pyntip lyngba ka “X” ba la mang pisa T.951.27/- klur tyngka ban shna ia ka surok Tura Bypass ban iaid ar tylli ki kali kaba jngrong 29.03 km.Kane ka surok kan sdang na ka surok bah NH-217B bad kan mih ha ka NH-2017
Ia kane ka surok bah sha Tura mynshuwa ka dei ka NH-51 badmynta la pynkylla sha ka NH-217 bad ka jingdon kam ia kane ka surok ka long ban pyniasoh ia ka sor Guwahahti sha Dalu kaba ia khap bad ka Bangladesh kaba dei ka kad khaii pateng sha bar ri.
Kane ka surok Tura Bypass kan sdang na ka shnong Sanchonggre kaba dei na ka NH-217B bad kan mih sha ka shnong Jenggitchakgre NH-2017, kane ka surok kaban shana ka long ba ki kali kin nym rung sha Tura namar ka jingkhapngiah bad ka jingrit ki surok hynrei kin iaid beit sha Dalu.
Kane ka surok kam dei tang ba kan pynlait ia ka jingsahkut kali hapoh ka sor Tura hynrei kan pyniaid khlad ia ka jingiaid ki kali kiba dei hapoh sor Tura bad ki kali ki ban leit ban kit ia ki mar ki matta sha Dalu ban shallan sha Bangladesh kin nym iaid shuh na sor Tura, ia kane u myntri rangbah kajylla u la buh ha ka “X” jong u mynta ka sngi.
