Shillong, Nohprah 04: Ka La-Riti Foundation ka la pynlong ia ka jingiamir jingmud kaba ar sngi lynter ban ia kren halor ki nongthoh jingrwai jong ka dong shatei lam mih ngi. Ha kane ka jingiamir jingmud kaba ar sngi kin ia kren ia ki jingrwai jong ki hynniew ngut ki nongthaw jingrwai kiba la leitnoh.
Kine ki nongrwai kiba la bam kwai ha dwar u blei ki jong ki jingrwai jongu Bah Amiya Lyngskor, u Bah Cyril Lyngdoh, ka jong u Bah Fredie Cholas Kharshiing bad kiwei pat ki jingrwai kaba ki nongthoh ki dang odn haduh mynta ki long ka jong u Bah Quitient Sumer, jong u Bah EW Kharsahnoh bad jong ka kong Silbi Passah.
Ha ka jingia mir jingmud kaba la long mynta ka sngi, ka jingiakren ka long ba kumno ki jingrwai ki long ki dak ki shin kiba paw shabar ia kaei kaba u briew u don ha ka dohnuh jong u bad ia kaei kaba u iohi sawdong sawkum jong u bad ia kaei kaba jia ha ka imlang sahlang.
Ha ka jingkren jong ka kong Dr Helen Giri kala ai jingmud bad ia kine ki jingrwai la dei ban buh ryntih ia ki ha ka dur jong ka peotri, ka long ong ba kumba ka long mynta ka don ka lad ba ka skul bah NEHU ka lah ban iarap ia kane ka bynta. Ka long kaba sngewsih ban tip ba ki briew kiba na bar kim kwah ba ia ki jingrwai khasi ban don ha ka thup jong ka jingbuh lang ha kawei ka bui.
Ha ka jingkren jong u Bah P Kharshiing haba u kren sha phang u nongrwai ba paw u Bah Fredie Cholas Kharshiing u la ong ba bun na ki nongthoh ki la kren ban wad ia ka tynrai jong ki jingrwai khasi ka long hap ban wad ia ka tynrai jong u Khasi.
Ia kane ka jingiamir jingmud halor ki jingrwai khasi la plié da u Deputy Chief Minister jong ka jylla u bah Bindo M Lanong bad kane ka jingiamir jingmud kan dang iai bteng la shai ka sngi ha Khasi National Dorbal Hall.(SP News)
