Shillong, Risaw 11: U Vice Chairman ka Niti Aayog, u Suman Kumar Bery u la ong ba u myntri rangbah duh jong ka Ri India u la shim khia na ka bynta ka jingbit jingbiang jong ki riewlum bad ka jingbun paidbah ruh kila bun hapoh ka Ri India.
Haba kren ha ki lat pathai khubor ha dien ka jingiakynduh bad u Syiem jong ka Hima Mylliem u Pa,Im Ainam Manik Syiem bad ki myntri ha ka jigndon lang u CEM jong ka KHADC bad ki EM la ong ba ki riewlum baroh shikatta kim shym la ioh ia ka jingkyrshan kaba thikna lyngba ki skhim jong ka sorkar pdeng.
Kumta na ka liang jong ka Niti Aayog ha ka peit ia ka Ri baroh kawei, ym tang ha ki jylla mynta kala sngewthuh ia ka jingdon kam ki riewlum ka long kaba don kam, namar la da phi kwah ban kyntiew ia ka roi ka par ba ym dei ban don kiba shah ieh sha dien ymd ei ban klet ia ki 200 million ki riewlum ha ka ri.
Haba phai sha kathain shatei lam mih ngi ka Ri India ki dei ki riewlum, ha Meghalaya ki dei ki riewlum bad kane ka dei ka sien kaba nyngkong ba u wan kum ki heh jong ka Niti Aayog sha kane ka thain kumta nga kwah ban tip ia ka jinglong ki riewlum.
Kawei pat ka bynta ka long ba ka kurim jong u ka don ka jingiadei ha kane ka jylla Meghalaya bad u tip ba don ki District Council kiba don ia ka bor kumta u don ka jingkwah jong u ban sngewthuh ia ka bor jong ki bad kaei kaba ki leh bad ia kane la iakren ha ka jingiakynduh bad u myntri rangbah ka jylla bad kata ka poi sha ka jingiakren.
Na ka jingiakren ba ha Khasi Hills don ar bynta ki jaka sor bad ki jaka nongkyndong bad ha ki nongkyndong ki don la ka jong ka rukom leh ka rukom pyniaid bad ha kane ka jingwan jong u la ong ba u la ioh bun jingtip shaphang kane, haba ia dei bad ka jingbei pisa ka shong ha ka sorkar jylla ym ha ka sorkar pdeng.
Haba ia dei bad ka jingwan jong u sha kane ka jylla Meghalaya u khlem wan ban don kano kano ka jingiakren halor kino kino ki bynta hynrei ka jingwan ka long kum ka jingwan jngoh sngewbha ua kane ka jylla kumba la ia kren ba du mytnri rangbah ka jylla u Conrad K Sangma, namar ki myntri rangbah ki jylla ki dei ki dkhot jong ka Niti Aayog.
