Shillong, Iaiong 12: Ka tnad sam bam ka sorkar Meghalaya kala btah ia baroh ki Deputy Commissioner jong ki district ban wanrah ia ka jingkhuid jingsuba ha kaba pyntrei kam ia ka skhim “National Food Security Act”.
Haba phai sha ka ka East Khasi Hills District ka ophis jong ka Deputy Commissioner kala phah ia ka shithi sha baroh kiba sam ia khaw rashon sha ba kin sangeh noh ka jingsam ia u khaw sha kito kiba khlem pat pyndep ban leh ia ka e-KYC.
La btah ia ki nongsam khaw rashon ba kin pyntip sha ka tnad sam bam ia ka bhah kaba khlem sam ia u khaw namar ka jingbym leh ia ka e-KYC bad ia kane ki dei ban ai jingkhein man la u bnai khnang ba ka ophis jong ka Deputy Commissioner kan dup lah ban ai jingkhein sha ka tnad sam bam.
Ha ka shithi kaba la phah sha kiba sam khaw rashon la la maham ruh ia ki ba lada ki don kiba pynkhien ia kane ka hukum kin ngat ha ka jingshah pynshitom katkum ki kyndon jong ka ain, ia kane ka hukum la pynmih ha ka 11\Lber/2026.
