New Delhi, Jymmang 07: U Myntri kam pohïing ka sorkar pdeng uba dei ruh u Myntri ka tnat ïatreilang, u Amit Shah, u la pynïaidïa ka jingïalang peit bniah ïa ka jingshngaiñ ha New Delhi bad ki Lieutenant Governor bad ki Myntri Rangbah jong ki jylla khappud kiba ïajan bad ka Pakistan bad ka Nepal.
Ha kane ka jingïalang la ïashim bynta lyngba ka video conferencing da ki Lieutenant Governor jong ka Jammu and Kashmir bad Ladakh, ki Myntri Rangbah jong ka Uttar Pradesh, Uttarakhand, Punjab, Rajasthan, Gujarat, bad West Bengal, bad u nongmihkhmat na ka sorkar Sikkim.
Ki heh ophisar na ka Tnad kam pohiing (MHA), kiba kynthup ia u Union Home Secretary, Director of Intelligence Bureau (IB), Director General of Border Security Force (BSF), bad Director General of Central Industrial Security Force (CISF), ki la iadonlang.
Ha katei ka jingialang, u Myntri kam pohiing ka sorkarpdeng u Amit Shah u la ong ba hadien ka jingthombor ba shyrkhei jong ki lehnoh ha Pahalgam, Kashmir, ha ka 22 tarik u Iaiong, 2025, u Myntri Rangbah duh Narendra Modi u la ong ba ka ri kan ai ia ka jubab kaba biang ia ki nongleh kam sniew bad ki nongkyrshan ia katei ka jingthombor.
U Myntri kam pohïing u la pynpaw ka jingsngewnguhïa ka jingkut jingmut bad ka rai ba skhem jong u Myntri Rangbah duh Narendra Modi ha kaba ïadei bad ka Operation Sindoor. U la pynpaw ba ka Operation Sindoor ka dei ka jubab kaba biang na ka Bharat sha kito kiba nud ban tuklarïa ki khappud jong ka India, ki shipai, bad ki nongshong shnong.
Baroh ki Myntri Rangbah bad ki Lieutenant Governor kiba don lang ha kane ka jingïalang ki la ai khubleiïa u Myntri Rangbah duh ka ri u Modi bad ïa ki lai tylli ki kynhun shipai na ka bynta ka jingjop jong ka Operation Sindoor.
U Myntri kam pohiing jong ka sorkarpdeng u la ong ba, khlem da iehnohia ka jingthombor jong ki lehnoh ha Pahalgam, la ai ia ka jubab kaba biang lyngba ka Operation Sindoor, kaba phah ia ka khubor kaba khlain sha ka pyrthei.
U la ong ba ka Operation Sindoor, kaba la sdang da ki shipai India pyrshah ia ki ktem jong ki lehnoh hadien ki jingtip ba kyrpang, ka long ka dak jong ka polisi zero tolerance jong ka sorkarModi pyrshah ia ki kam lehnoh sha ka pyrthei baroh kawei. U Shah u la ong ba ka jingiatylli kaba la pyni da ka ri ha kum kane ka por ka la kyntiew ia ka mynsiem jong ki para ri.
U Amit Shah u la ong ba ha ka miet jong ka 6-7 tarik u Jymmang, 2025, ki shipai India ki la therïakhyndai tylli ki jaka ba kyrpang kiba ïadei bad ki lehnoh, da kaba pynjotïa ki jingdon jingem jong ki.
U Myntri kam pohiing u la ong ba ha ka operation ba la leh da ki shipai India, ki jaka ai jinghikai ia ki lehnoh, ki jaka buh tiar ialeh, bad ki jaka rieh jong ki seng kum ka Lashkar-e-Taiba, Jaish-e-Mohammed, HizbulMujahideen, bad kiwei kiwei ki kynhun lehnoh la pynduhpyndam syndon.
U Myntri kam pohiing jong ka sorkarpdeng u la ong ba baroh ki jylla ki dei ban pynkhrehkatkum ki jingbthah ba la pynmih na ka bynta kane ka mock drill. U la ong ba dei ban pynbeitia ka jingtreikam kaba iaidbeitiaidryntih jong ki jingshakri ba kongsan kum ki hospital, ki nongpynlip ding bad kiwei kiwei bad dei ban pynthikna ia ka jingpynpoi khlem jingthut ia ki mar ba kongsan.
U Myntri kam pohiing u la bthah ia ki jylla ba kin pynkhreh ia ki pulit SDRF, Civil Defence, Home Guards, NCC bad kiwei kiwei ban pynbeit ia kanokano ka jingeh. U la ong ba dei ban pyrshang ban pynthikna ia ka jingiashim bynta ki paidbah lyngba ki nongshong shnong bad ki seng treimon sngewbha.
U Amit Shah u la ong ba dei ban peitngor bha ia ki jingpynbna pyrshah ia ka ri da ki briew ha ki social media bad kiwei kiwei rynsan pathai khubor bad dei ban shimkhia kloi da kaba iatreilang bad ki sorkar jylla bad ki kynhun treikam jong ka sorkarpdeng.
U Myntri kam pohiing u la ong ba dei ban pyrshang katba lah ban pynnehia ka jingiakren kaba khlem jingeh bad dei ruh ban pynkhlain shuh shuh ia ka jingpahara ia ki jaka ba lah ban shah ktah.
U la kyrpad ia ki jylla ba kin sangeh noh ban pynsaphriang ia ka jingtieng kaba khlem da donkam ha ki paidbah bad ban shim ia ki sienjam ban pynsaphriang ia ka jingsngewthuh sha ki paidbah pyrshah ia ki khubor hamsaia. U la ong ba dei ban pynkhlain shuh shuhia ka jingiatreilang hapdeng ki bor synshar ha ka thain bad ki shipai.
