Shillong, Nohprah 15: Mynta ka sngi ka 15 Tarik Nohprah 2025 u myntri rangbah ka jylla u Conrad K Sangma u la buh maw nongrim ban shna ia ka Meghalaya House ha ka surok no 9, Dr. A.P.J. Abdul Kalam Road, New Delhi bad kane ka iing kaba thymmai kan don 24tylli ki kamra khnang ba ki briew na kane ka jylla kin ioh jaka sah haba ki leit ban don kam sha Delhi.
U myntri rangbah ka jylla haba kren ha ka jingialang ba buh ia u Mawnongrim u la ong ba ka jingshna ia kane ka iing kaba thymmai ha ka juh ka jaka kaba la don lypa ka Meghalaya House kaba rim kaba la shna ha u snem 1971 ban pynbun shuh sa 24 tylli ki kamra kan long ha ka jinglut kaba T.22klur tyngka.
Da ka jingshna shuh ia kane ka iing kaba thymmai kan iarap ia ki paidbah na kane ka jylla ba kin ioh jaka sah ha Meghalaya House haba ki leit don kam sha nongbah Delhi, namar katba dang mih ki sngi ka jingleit jong ki briew na kane ka jylla kila dang bun, kumta ka long kaba don kam ban don shuh ki kamra.
Ha kane ka sngi la don lang ruh u Synbut myntri rangbah ka jylla u bah Prestone Tynsong, u myntri ba dei peit ia ka General Adminstration department u bah Sosthenes Sohtun, ka jaka jong ka Meghalaya House haka surok no 9, Dr. A.P.J. Abdul Kalam Road, New Delhi ka don 1.99 akar.
