Shillong, Risaw 03: Mynta ka sngi u myntri rangbah ka jylla u Conrad K Sangma u la buh ia u Mawnongrim ban tei ia ka “Purno A Sangma International Medical College and Hospital” da ka UTSM ha Ri Bhoi District, iakaba la pynpaw lyngba ka twitter.
Haba kren ha kane ka jingialang u myntri rangbah ka jylla la ong ba ka long ka burom ia ka iing ka sem ka jong u ba ia kane ka jaka pule doktor kaba la buh mawnongrim mynta ka sngi la buh nam ha ka kyrteng u kpa jong u, kane ka jingbei pisa na ka bynta ki paidbah kan long ka jingmyntoi kaba khraw.
U Myntri Rangbah la ong ba ka jingtbit ka rukom hikai jong ka UTSM kand ang iaid bteng ia ki paidbah ka jylla Meghalaya bad kum juh kane ka dong shatei lam mih ngi jong ka Ri India bad kane ka jaka pule kaba la ai nam ha ka kyrteng u Purno A Sangma kan long ka jingkyrkhuh ia ki paidbah kane ka thain.
U Conrad u la pynpaw ia ka jingsngewnguh ia u Maqbul Hoque bala ai kane ka jingpynsah nam kaba khraw tam ia u kpa jong u kane ka dei ka burom kaba khraw bad u la ong ba u trai kynrad un kyrkhu ia kane ka jingtrei shitom ka jong ki ba kin dang iaid bteng ia kane ka kam kaba khraw.
Ha kane ka sngi la don lang u myntri ba dei peit ia ka tnad pule puthi jong ka sorkar jylla u bah Lahkmen Rymbui , ki nongpyniaid iaka skul UTSM bas kiwei kiwei kiba ia don bynta ha kane ka jaka pule kila ia don lang ban sakhi ia kane ka sngi buh mawnongrim ia ka jaka pule Doktor ha Ri Bhoi District.
