Shillong, Risaw 01: Kawei ka long kmie na Eastern West Khasi Hills District kala ujor sha ki pulit ha ka 24/Nailur/2024 kala ioh ia ka phone kaba ym lah ban tip lyngba ka WhatsApp.
Ha kane ka jingphone la kam ba ki dei ki briew jong ka Reserved Bank ka India ha kaba kila bthah ia ka ban plie akkount ha bank da kaba pyndon kam ia ka ATM kard bad ka dei ban shim sim kard thymmai.
La bthah ba ynda la dep ban leh ia katei kaba la bthah ba ka dei ban phah sha Mr Delight Public School, DK Mohan Garden School bad kitei ki sa phah ia ka pisa ha ka la plie ha ka 6/Nailur/2024.
Kaba pynkyndit ka long ba ha ka 25/Nailur/2024 ki ophisar na ka HDFC Bank na Mairang kila pyntip ba ki briew kiba ym lah ban tip kila pyndon kam ia ka akkount jong ka ban leh ia ki kam shukor daka kaba pyndon kam iaka ATM kard bad ka Sim Kard jong ka.
