Shillong, Nailar 12: Mynta ka sngi u President bad u general secretary jong ka Shillong Press Club kila aida ka ejahar pyrshah ia ka jingthoh hapoh Facebook da ka kyrteng Lester J.K. Ryngki ha ka kynhun “Ka Sur u Paidbah”.
Ha katei ka jingthoh u tei u briew u la thoh “Ym lah shuh ban shaniah iaki Press MEDIA ruh. Kala bha iaka HNLC ban shu leh beit daka kam dait dait ynai pymih khubor eiei shuh. Ka kam kan kren kham jam… Sa is peit beit iaka kam. Dei hangta don shuh mano mano balah ban buhrieh. U paitbah hi un sa long ruh u press media khamtam haka juk mynta.”
Ha ka ejahar kaba la ai sha u Superintendent ki Pulit jong ka East Khasi Hills la kdew ba kitei ki jingthoh kiba la kdew ki long ki kyntien ban pynshit bad ban wanrah ia ka jingiashrut bad ka jingbyrngem, kumta na ka liang jong ki nognthoh khubor kila shim kha ia katei ka jingthoh.
Ka jingujor ia kane ka ejahar ka long ba dei ban pynshitom ia u tei u nongbyrngem katkum ki kyndon ain, ka por kala dei ruh ba ia ki jingthoh kiba lah ban wan rah ia ki jingma dei ban da peit bniah shuwa ba kan kwah ia ki jingmut jingpyrkhat jong kito kiba dang lui lui, ia ka ejahar la soi d au President ka SPC u bah David Laitflang bad u general secretary u bah Powell Sohkhlet
