Shillong, Nailar 07: Ka Umsning People Front ha ryngkat ka jingkyrshan ka Confederation of Ribhoi People CoRP ha ka 7 tarik Agust ka la leit ban iakynduh ban aiti da ka jingthoh ha u myntri ba dei peit ka tnad bording u AT Mandal halor ka jingduh light khah khah ha them Ri Bhoi.
U chairman ka Umsning People Front u Dr David Lyngdoh u la pynpaw ba ba ka jingiakren bad u myntri u la pynpaw ba kan sa dang kham shipor ban lah ban pynbeit ia ka jinglip light khah khah ha ri bhoi district.
Ka daw ba pynlong ban lip light khah khah ha ribhoi ka dei na ka daw ka jingduna ka jingtreikam ka MECL bad ka MePDCL bad ki ha ju mat bha ka jong lip light ki dei Jyntru, Kyrdem Kulai bad Umsning bad ia kane ka department hi kan sa shikhia ia kane bad kan sa install noh ia ki mini tower ban lah ban weng noh ia kane ka jinglip light khah khah.
Haba bynrap ia kane u bah Pateng Marsing working President ka CoRP u la ong ka seng ka ai ka jingkyrshan ia ka UPF, da kaba ong ba ka jinglip light ha Ribhoi district ka la long shaba palat, ha kaba ha ka shibnai ioh light tang kumba artaiew bad ong ruh ba ka long kaba sngewlehrain ban kam ba ka Ribhoi ka dei kaba pynmih bording katba ka jinglip light ka jur bad ka jia khah khah bha hapoh Ribhoi.
