New Delhi, Jymmang 07: Mynta ka sngi por 1.45 baje dang step phyrngap , ki shipai jong ka India kila sdang ïa ka ‘OPERATION SINDOOR’, ha kaba la therïa ki jingdon jingem jong ki lehnoh ha Pakistan bad ha Jammu and Kashmir ba la synshar da ka Pakistan na kaba la pyntreikam ia ki kam pyntriem pyrshah ïa ka India.
Baroh ki don khyndai tylli ki jaka ba la ther. Ki sienjam jong ngi ki la long kiba kyrpang, bad ki bym ialam sha ka jingpynphaikylla. Ym shym la thewia ki jaka jong ki shipai ka Pakistan. Ka India ka la pyni ia ka jingiaishah kaba jur ha kaba jied ia ki jaka ban ther bad ka rukom pyntreikam ia kane.
Kine ki sienjam ki wan hadien ka jingthombor ba shyrkhei jong ki lehnoh ha Pahalgamha kaba 25 ngut ki nong India bad uwei u nongshong shnong ka Nepal ki la shah pyniap. Ngi la buddienia ka jingkular ba kan don ka jingpynphaikylla ia kito kiba donkti ha kane ka jingthombor. Kan don ka jingpynshai kaba bniah halor ka ‘OPERATION SINDOOR’, kham hadien mynta ka sngi.
