Shillong, Rymphang 21: Mynta ka sngi da ki bun phew hajar ngut ki briew na kylleng ki lum khasi bad Jaintia kila ia poi sha Nongsder ban leit ban pyndon burom khatduh ia u MP u Dr. Ricky AJ Syngkon ha ryngkat ki um mat kthang, na ka liang ka party VPP kala tap ia ka synduk da ka lama jong ka party kum ka jingburom ia u nongialam.
Ki nongialam seng sain pyrthei kiba la ia poi ha kane ka sngi ki long la baroh, ia ka sorkar la mih khmat da u Symbut myntri rangbah ka jylla u bah Sniawbhalang Dkhar, u nongialam ka liang pyrsah Dr. Mukul Sangma, ki MLA ki MDC bad ki ophisar ka sorkar jylla bad bun ki riew pawkhmat.
Ia ka jingkren ha kane ka jingleh niam la kren da u wei na ki Pastor ha kaba u la ong ba ka jingleit noh jong u Dr. Ricky AJ Syngkong kam dei ka jingleh donbor jong no jong no namar u Jisu u la leit ban pynkhreh ha kata ka iing shong neh jong u kpa bad ha ka por ka biang u la shim noh sha lade ha ka 19 Rymphang 2026.
La iathuh ba u Dr. Ricky u dei u shakri jong u blei ba sam ia ka ktien jong u blei sha ki balang bad u la long u dkhot jong ka kommittee ka banglang Sumer ha dien ba u la rah ia ka kyrteng na balang Pohskeh bad u la shah jied kum u dkhot ka kommittee balang ha u snem 2024.
Kum ba balang bad ka District ka dang don ka jingkytmen na u ne u shakri hynrei u blei u la shim noh sha lade baroh ki nongkren kila kren bynnud ia u Dr. Ricky bam kwai ha dwar u blei, hynrei to tip ba u blei u kham don kam ma u ia u shari jong u blei ha ka hima jong ublei.
