Shillong, Naitung 31: Mynta ka sngi da ki spah ngut ki briew kiba la ia poi lang ban leit on thang khatduh ia u mytnri kam poh ing barim ka jylla u bah Robert G Lyngdoh ha kaba la thang don burom ha Mawbah.
Halor kane ka jingkhlad jong u bah Robert G Lyngdoh ki briew na kylleng kila ia poi sha iing sah jong u ban pynpaw ia ka jingsngewlem halor kane ka jingjia kaba sngewsih, ha kane ka sngi ruh da ki spah ngut ki briew kila wan synranlang ban pynkhuid ia ka met.
Ha jaka thang la don lang ka para ka kong Ampareen Lyngdoh, bah Herbert G Lyngdoh para shynrang, ka kurim , kiba ha iing ha sem bad ki paralok para jor kiba la wan ban synrang lang ha kane ka sngi ban pyndon burom khatduh ia u ne riew rangbah.
Na ki nongmih khmat paidbah kiba la poi sha kane ka jingwan ong thang ki long u bah Sanbor Shullai myntri ka sorkar jylla, u bah Adelbert Nongrum MLA, bah Moonlight Parait MDC barim ka jowai bad bun ki riew rangbah khamtam ki dkhot jong ka MTDF.
Ia u bah Robert H Lyngdoh la kha ha u snem 1960 bad la khlad ha ka 29th Naitung 2022 bad ia ka jingthang don burom la pyndep mytna ka sngi ha Mawbah, ha kaba da ki spah ngut ki briew kila wan ban pyndnburom khatduh ia u ne u rangbah.
U bah Robert u la ong jop ia ka MLA election na Laitumkhrah ha u snem 1998 bad ha kane ka jinglong nongmih khmat u la long ruh u myntri kabinet ha ka sorkar bad kum u myntri kam poh iing u la pyni ia ka jingtbit kum u myntri sorkar.
