Shillong, Nohprah 16: Sa tang khyndai sngi ka Khristmas kala poi bad ka jingpynkhreh jong ki briew ban pynphuh pynhing ia ki iing kisem, ki ophis ki jaka sorkar kala dang iaid sha khmat bad kum juh ia ki jaka paidbah.
Ka Khyndailad ka dei kawei na ki jaka paidbah kaba ki paidbah na kylleng kala jylla ki poi sha kane ka jaka bad kum juh ki nongwan jngohkai pyrthei kin poi sha kane ka jaka bad na kane ka jaka ki leit sha ki jaka bapher bapher ba kaba ki kwah ban leit.
Mynta u snem ka jingpynkhreh ban pynphuh ia kane ka Khyndailad ka long kaba khampher ha kaba ia u diengpost light ba jrong ha Khyndailad la shna ban pynlong kum u dieng Khristmas mynta u snem 2025 bad jingshna ka dang iaid sha khmat bad yn pyndep ha shuwa ka 22/12/2025.
Mynta u snem la ioh ba ka jingpynkhreh ia ki jaka paidbah ban leh burom ia ka Khristmad bad kum juh kine ki jingpynkhreh kin neh haduh bad a poi ka snem thymmai ha ki jaka paidbah kam dei shuh tang ha Shillong hynrei ka long ha kylleng ka jylla ban pdiang burom ia ka jingkha ia u khyllung Jisu bad ia u snem thymmai 2026.
