Shillong, Naitung 07: U bah Martle N Mukhim haba jubab ia ka jingkylli u bah PN Syiem haba ia dei bad ka jingpyntrei kam ia ka “Khasi Hills Autonomous District Council Village development Council Act, la ong ka ki dang pynkhreh ia ki rule mynta bad shen kin sa ioh ban pyntreikam.
U bah Titosstarwell Chyne CEM haba jubab ia ka jingkylli u bah Ronnie V Lyngdoh la ka Distict Council kala iohjinbit ne em na ka tnad shna surok jong ka sorkar pdeng ban buh ia ki khyrdop ha ki surok bah, na ka liang jong u CEm u la ong ba kim shym pat jingbit.
Haba jubab pat ia ka jingkylli bynrap, la ong ba ka jingbuh ka District Council ia ki khyrdop ka long katkum ka United Khasi-Jaintia Hills Autonomous District Council ( Management and Control of Forrest Act, 1958, dei hapoh kane ka ain la buh ia ki khyrdop.
Haba ia dei bad ka jingbthah ka sorkar ban khangnoh ia ki khyrdop, ka KHADC kala jubab sha ka sorkar bad kala thoh ia ki jaka ba don kam ban buh ia ki khyrdop, ia kane la ia kren ruh ha ka rai jong ka iing bishar kaba ha khlieh duh jong ka Ri ha u snem 1996.
Halor kane la don ruh ka jingiakyduh bad ka sorkar ha u bnai Jymmang mynta u sem ha kaba la mih khmat da u Symbut CEM jong ka KHADC, u CEM jong ka JHADC la ia kren ia kane bad ka sorkar kala pan ia ka list ki jaka ban buh kgyrdop, lada ka KHADC ka leh beain ynphah khang.
