Shillong, Rymphang 11: Mynta ka sngi naka liang ka seng HNYF Northern Region haka jingialam jong u bah Donroi Kshiar lem bad ki dkhot ka seng kila leit ban leit ia kynduh iaka Medical Superintendent jong ka Civil Hospital Nongpoh ka Dr. D Blah halor ki 3tylli ki mat kita ki long ban pyntreikam noh iaka Trauma Center.
Kane ka dei ka jaka sumar kaba kyrpang iaki ba mynsaw ban ioh ka jingsumar kaba kham kyrpang bad halor ka mat ban don noh daka ICU hapoh Civil Hospital ban ioh iaka jingsumar kaba paka.
Ha kane ka jingiakynduh kila ia kren ba dei ban buh laka jong ka jaka thiah pang naka bynta ki Koidi namar ia mynta ki Koidi ki thiah lang bad ki riew paidbah haka por ba pang ba shitom
Haba kren ha ki lat pathai khubor u bah Donroi Kshiar u la ong ba da peit iaka Civil Hospital Nongpoh kala itynnad bad kala wan dur bha hynrei ki jingduna pat ki dang bun bha hapoh kane ka Civil Hospital Nongpoh bad u la kyntu ruh iaki nongmihkhmat jong ka District Ri Bhoi ba kin ia kren lem ia kine ki mat hapoh ka ingdorbar jong ka jylla ka ban sah long shen.
